திரைத் துறையில் மிக உயரிய விருதாகக் கருதப்படும் ஆஸ்கார் விருது வழங்கும் விழா அமெரிக்காவின் லாஸ் ஏஞ்சல்ஸ் நகரில் ஞாயிற்றுக்கிழமை இரவு நடைபெற்றது.
98-வது ஆஸ்கார் விருதுகள் விருது விழாவில், 2025ஆம் ஆண்டு வெளியான சிறந்த திரைப்படங்கள், நடிகர்கள் மற்றும் தொழில்நுட்பக் கலைஞர்களுக்கு விருதுகள் வழங்கப்பட்டன.
அதன்படி 'ஒரே போருக்குப் பின் மற்றொன்று' திரைப்படம் இந்த ஆண்டின் மிகப்பெரிய வெற்றிப் படமாகத் திகழ்ந்து சிறந்த படம், சிறந்த இயக்குநர், சிறந்த படத்தொகுப்பு, சிறந்த துணை நடிகை, சிறந்த நடிகர் தேர்வு மற்றும் சிறந்த திரைக்கதை என மொத்தம் 6 ஆஸ்கர் விருதுகளை வென்றுள்ளது.
பால் தாமஸ் ஆண்டர்சன் இயக்கியுள்ள இத்திரைப்படமானது அதிக விருதுகளை வென்று விழாவின் முக்கிய கவனத்தை பெற்றுள்ளது.
மேலும், நடிப்பு பிரிவில், “சினரிஸ்” திரைப்படத்தில் நடித்த மைக்கேல் பி. ஜோர்டான் சிறந்த நடிகருக்கான விருதை வென்றார்.
அதேவேளையில், “ஹாம்நெட்” திரைப்படத்தில் நடித்த ஜெஸ்ஸி பக்லி சிறந்த நடிகைக்கான விருதை வென்று கவனம் ஈர்த்துள்ளார்.
