Nov 22, 2026
Thisaigal NewsYouTube

மெகா அப்டேட்: ரஜினி - கமல் இணையும் பிரம்மாண்ட படம்! இயக்கப்போகிறார் நெல்சன் திலீப்குமார்

திசைகள் செய்திப்பிரிவு
Share:
மெகா அப்டேட்: ரஜினி - கமல் இணையும் பிரம்மாண்ட படம்! இயக்கப்போகிறார் நெல்சன் திலீப்குமார்

சென்னை, மார்ச் 4 – தமிழ் திரையுலகின் இரு பெரும் துருவங்களான சூப்பர் ஸ்டார் ரஜினிகாந்த் மற்றும் உலக நாயகன் கமல்ஹாசன் ஆகிய இருவரும் நீண்ட இடைவேளைக்குப் பிறகு ஒரே திரையில் இணையவுள்ள தகவல் வெளியாகி ரசிகர்களைப் உற்சாகத்தில் ஆழ்த்தியுள்ளது. இந்தப் பிரம்மாண்ட கூட்டணியை ‘ஜெயிலர்’ படப்புகழ் இயக்குநர் நெல்சன் திலீப்குமார் இயக்கவுள்ளதாகத் தகவல்கள் வெளியாகியுள்ளன.

சுமார் நாற்பது ஆண்டுகளுக்கு முன்பு பல திரைப்படங்களில் இணைந்து நடித்த ரஜினியும் கமலும், அதன் பிறகு தங்களது திரைப்பயணத்தைத் தனித்தனியாகத் தொடர்ந்தனர். இந்நிலையில், நெல்சன் திலீப்குமார் உருவாக்கியுள்ள ஒரு சிறப்பான கதையில் இருவரும் இணைந்து நடிக்கச் சம்மதித்துள்ளதாகக் கூறப்படுகிறது.

இந்தப் பிரம்மாண்ட திரைப்படத்தை கமல்ஹாசனின் ராஜ் கமல் பிலிம்ஸ் இன்டர்நேஷனல் நிறுவனம் தயாரிக்கவுள்ளதாகத் தெரிகிறது. தற்போது ரஜினிகாந்த் மற்றும் கமல்ஹாசன் ஆகிய இருவருமே தங்களது மற்ற படப்பணிகளில் பிஸியாக இருப்பதால், இந்தப் புதிய படத்தின் படப்பிடிப்பு இந்த ஆண்டின் இறுதியில் அல்லது அடுத்த ஆண்டு தொடக்கத்தில் தொடங்கும் என எதிர்பார்க்கப்படுகிறது.

ஏற்கனவே ரஜினிகாந்தை வைத்து ‘ஜெயிலர்’ என்ற மெகா ஹிட் படத்தை வழங்கிய நெல்சன், இப்போது கமலோடு சேர்த்து இருவரையும் ஒரே படத்தில் இயக்கப்போவது கோலிவுட்டில் மிகப்பெரிய எதிர்பார்ப்பை ஏற்படுத்தியுள்ளது. இது குறித்த அதிகாரப்பூர்வ அறிவிப்பு விரைவில் வெளியாகும் என சினிமா வட்டாரங்கள் தெரிவிக்கின்றன.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in சினிமா →