Nov 21, 2026
Thisaigal NewsYouTube

அர்ஜென்டினாவுக்கு எதிரான ஆட்டத்தில் அநீதி இழைக்கப்பட்டதாக ஃபிஃபாவிடம் எகிப்து புகார்; நடுவருக்குத் தடை விதிக்கக் கோரிக்கை

திசைகள் செய்திப்பிரிவு
Share:
அர்ஜென்டினாவுக்கு எதிரான ஆட்டத்தில் அநீதி இழைக்கப்பட்டதாக ஃபிஃபாவிடம் எகிப்து புகார்; நடுவருக்குத் தடை விதிக்கக் கோரிக்கை

2026 உலகக் கோப்பை கால்பந்து தொடரின் 16-வது சுற்று ஆட்டத்தில், அர்ஜென்டினா அணிக்கு எதிராக எகிப்து அணி 2-3 என்ற கணக்கில் தோல்வியடைந்து வெளியேறியது. இந்த ஆட்டத்தில் 11 நிமிடங்கள் மீதமிருந்தவரை எகிப்து அணி 2-0 என முன்னிலையில் இருந்தபோதிலும், லியோனல் மெஸ்ஸி தலைமையிலான அர்ஜென்டினா அணி அடுத்தடுத்து 3 கோல்களை அடித்து கம்பேக் கொடுத்து வெற்றி பெற்றது.

இந்தத் தோல்வியைத் தொடர்ந்து, பிரான்ஸ் நாட்டைச் சேர்ந்த நடுவர் பிரான்சுவா லெடெக்சியர் மற்றும் அவரது நடுவர் குழுவினருக்கு எதிராக எகிப்து கால்பந்து சங்கம் (EFA) ஃபிஃபாவிடம் அதிகாரப்பூர்வமாகப் புகார் அளித்துள்ளது. நடுவர்களின் தவறான முடிவுகளே தங்களின் தோல்விக்குக் காரணம் என்றும், அர்ஜென்டினா மற்றும் மெஸ்ஸியைத் தொடரில் நீடிக்க வைப்பதற்காக நடுவர்கள் ஒருதலைப்பட்சமாகச் செயல்பட்டனர் என்றும் எகிப்து அணியின் பயிற்சியாளர் ஹோசாம் ஹாசன் மற்றும் வீரர்கள் குற்றம் சாட்டியுள்ளனர்.

எகிப்து அடித்த ஒரு கோல் நடுவரால் நிராகரிக்கப்பட்டதும், ஆட்டத்தின் கூடுதல் நேரத்தில் முகமது சாலாவுக்கு அர்ஜென்டினா பெனால்டி பாக்ஸ் உள்ளே ஃபவுல் செய்யப்பட்டபோது பெனால்டி வழங்கப்படாததும், அதுகுறித்து விஏஆர் பரிசீலனை செய்யப்படாததும் தங்களுக்கு இழைக்கப்பட்ட அநீதி என எகிப்து தரப்பில் தெரிவிக்கப்பட்டுள்ளது. இந்தத் தவறுகள் குறித்து கடுமையான விசாரணை நடத்தி, குற்றம் நிரூபிக்கப்பட்டால் சம்பந்தப்பட்ட நடுவர்களை உலகக் கோப்பை தொடரிலிருந்து ஃபிஃபா நீக்க வேண்டும் என்று எகிப்து கால்பந்து சங்கம் கோரிக்கை விடுத்துள்ளது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in விளையாட்டு →