Nov 21, 2026
Thisaigal NewsYouTube

அரசுக்கு ஓடிடி (OTT) தளம் தொடங்கவும், தியேட்டர் டிக்கெட் விலையை உயர்த்தவும் நடிகர் விஜய் சேதுபதி கோரிக்கை

திசைகள் செய்திப்பிரிவு
Share:
அரசுக்கு ஓடிடி (OTT) தளம் தொடங்கவும், தியேட்டர் டிக்கெட் விலையை உயர்த்தவும் நடிகர் விஜய் சேதுபதி கோரிக்கை

திரைப்பட தயாரிப்பாளர்கள் மற்றும் இயக்குநர்கள் தங்களது திரைப்படங்களை எங்கு கொண்டு செல்வது என்று தெரியாமல் தவித்து வரும் நிலையில், தமிழக அரசு விரைவில் ஒரு பிரத்யேக ஓடிடி (OTT) தளத்தைத் தொடங்க வேண்டும் என்று நடிகர் விஜய் சேதுபதி கோரிக்கை விடுத்துள்ளார். 'பரிமளா & கோ' திரைப்படத்தின் இசை வெளியீட்டு விழாவில் கலந்து கொண்டு பேசிய அவர், எதிர்பாராத விதமாக ஓடிடி வணிகம் மந்தமடைந்துள்ளதால் திரையுலகினர் சந்தித்து வரும் பொருளாதாரச் சிக்கல்களைப் பகிர்ந்து கொண்டார். முன்பு நடிகர் கமல்ஹாசன் முன்வைத்த ஆலோசனையைச் சுட்டிக்காட்டிய விஜய் சேதுபதி, ஓடிடி சந்தையை அரசு முறைப்படுத்த வேண்டும் என்றும், இதன் மூலம் தயாரிப்பாளர்களுக்கு ஒரு நிலையான சூழல் உருவாகும் என்றும் முதலமைச்சர் விஜய்யிடம் கேட்டுக்கொண்டார்.

மேலும், பல ஆண்டுகளாக தியேட்டர் டிக்கெட் விலையில் எந்த மாற்றமும் இல்லாமல் இருக்கும் விவகாரம் குறித்தும் அவர் தனது ஆதங்கத்தை வெளிப்படுத்தினார். தற்போதைய காலகட்டத்தில் திரைப்பட தயாரிப்புச் செலவுகள் மிகவும் அதிகரித்துவிட்டதால், அதற்கு ஏற்ப தியேட்டர் டிக்கெட் விலையை சற்று உயர்த்துவது தயாரிப்பாளர்களுக்கும் விநியோகஸ்தர்களுக்கும் பெரும் உதவியாக இருக்கும் என்றும் அவர் வலியுறுத்தினார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in சினிமா →