Nov 21, 2026
Thisaigal NewsYouTube

சுக்மா 2026 ஒத்திவைக்கப்படுமா? சுல்தானின் கருத்தைத் தொடர்ந்து சிலாங்கூர் அரசு பரிசீலனை!

திசைகள் செய்திப்பிரிவு
Share:
சுக்மா 2026 ஒத்திவைக்கப்படுமா? சுல்தானின் கருத்தைத் தொடர்ந்து சிலாங்கூர் அரசு பரிசீலனை!

026-ஆம் ஆண்டு நடைபெறவுள்ள மலேசிய விளையாட்டுகளை ஒத்திவைப்பது குறித்து சிலாங்கூர் சுல்தான் ஷராபுதீன் இட்ரிஸ் ஷா வெளியிட்ட கருத்தைத் தொடர்ந்து, மாநில சட்டமன்ற உறுப்பினர்களின் விவாதங்கள் மற்றும் கருத்துகளின் அடிப்படையில் இது குறித்து இறுதி முடிவு எடுக்கப்படும் என்று சிலாங்கூர் மாநில அரசு தெரிவித்துள்ளது. இந்த விவகாரம் தற்போது மலேசிய விளையாட்டு வட்டாரத்தில் பெரும் பரபரப்பை ஏற்படுத்தியுள்ளது.

மாநில இளைஞர், விளையாட்டு மற்றும் தொழில்முனைவோர் மேம்பாட்டுத் துறைக்கான எக்சோ முகமட் நஜ்வான் ஹலிமி இது குறித்துக் கூறுகையில், சுல்தானின் வழிகாட்டலைத் தாங்கள் மதிப்பதாகத் தெரிவித்தார். மேற்கு ஆசியாவில் நிலவும் நெருக்கடியான சூழல் மற்றும் ஷா ஆலாம் மைதானத்தின் மறுசீரமைப்புப் பணிகள் முழுமையடைய வேண்டிய அவசியம் ஆகியவற்றைக் கருத்தில் கொண்டு, போட்டிகளை ஒத்திவைப்பது பொருத்தமானதாக இருக்கும் என சுல்தான் தனது உரையில் குறிப்பிட்டிருந்தார். இருப்பினும், இது ஒரு தேசிய அளவிலான விளையாட்டுப் போட்டி என்பதால், மற்ற மாநிலங்கள் மற்றும் இளைஞர் விளையாட்டு அமைச்சுடன் கலந்தாலோசித்து, சட்டமன்ற விவாதங்களுக்குப் பிறகு விரிவான ஆய்வு மேற்கொள்ளப்படும் என்று நஜ்வான் ஹலிமி விளக்கமளித்தார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in விளையாட்டு →