உலகக் கோப்பை கால்பந்து தொடரின் 'எஃப்' பிரிவு லீக் ஆட்டத்தில் துனிசியா அணிக்கு எதிரான போட்டியில் சுவீடன் அணி ஐந்துக்கு ஒன்று (5-1) என்ற கோல் கணக்கில் அபார வெற்றி பெற்று அந்தப் பிரிவில் முதலிடத்தைப் பிடித்துள்ளது. ஆட்டம் தொடங்கிய ஏழாவது நிமிடத்திலேயே சுவீடன் அணியின் யாசின் அயாரி முதல் கோல் அடித்து தனது அணிக்கு முன்னிலை தேடித்தந்தார். தொடர்ந்து அதிரடியாக விளையாடிய சுவீடன் அணியின் அலெக்சாண்டர் இசாக் ஆட்டத்தின் முப்பதாவது நிமிடத்தில் மற்றொரு கோல் அடித்து அணியின் முன்னிலையை இரண்டாக உயர்த்தினார்.
இதற்கு பதிலடி கொடுக்கும் வகையில் ஆட்டத்தின் முதல் பாதி முடிவடைவதற்கு சற்று முன்பாக துனிசிய அணியின் உமர் ரெகிக் ஒரு கோல் அடித்து அசத்தினார். எனினும் ஆட்டத்தின் ஐம்பத்தொன்பதாவது நிமிடத்தில் சுவீடன் அணியின் விக்டர் கியோகெரெஸ் மற்றும் மாத்தியாஸ் ஸ்வன்பெர்க் ஆகியோர் அடுத்தடுத்து கோல் அடித்து அணியின் வெற்றியை உறுதி செய்தனர். ஆட்டத்தின் இறுதி நிமிடங்களில் யாசின் அயாரி மீண்டும் ஒரு அபாரமான கோல் அடிக்க, சுவீடன் அணி ஐந்துக்கு ஒன்று என்ற கணக்கில் துனிசியாவை வீழ்த்தி மாபெரும் வெற்றி பெற்றது.
