Nov 21, 2026
Thisaigal NewsYouTube

மலேசியப் பந்துவீச்சு சங்கத்திற்கு மீண்டும் திரும்புகிறாரா ஜிம்மி வோங்?

திசைகள் செய்திப்பிரிவு
Share:
மலேசியப் பந்துவீச்சு சங்கத்திற்கு மீண்டும் திரும்புகிறாரா ஜிம்மி வோங்?

மலேசியாவின் முன்னணி கலப்பு இரட்டையர் பிரிவு வீரரான ஜிம்மி வோங், மீண்டும் மலேசியப் பந்துவீச்சு சங்கத்தில் இணையக்கூடும் என்ற தகவல்கள் விளையாட்டு வட்டாரங்களில் பரவலாகப் பேசப்பட்டு வருகின்றன.

கடந்த 2022-ஆம் ஆண்டு தேசிய அணியிலிருந்து விடுவிக்கப்பட்ட ஜிம்மி வோங், அதன் பிறகு ஒரு சுதந்திர வீரராக விளையாடி வந்தார். கடந்த ஓராண்டாக லாய் பெய் ஜிங்குடன் இணைந்து விளையாடி வந்த அவர், அண்மையில் தைவான் விளையாட்டு பிராண்டான 'விக்டர்' உடனான தனது ஒப்பந்தம் முடிவுக்கு வந்ததைச் சமூக வலைதளத்தில் உறுதிப்படுத்தினார்.

தனது பயணத்திற்கு ஆதரவாக இருந்தவர்களுக்கு நன்றி தெரிவித்துப் பதிவிட்ட ஜிம்மி, "எனது வாழ்க்கையில் உறுதுணையாக இருந்த ஒரு முக்கியமான நபருக்கு நன்றி. அவர் யார் என்று அவருக்குத் தெரியும்," எனப் பெயரைக் குறிப்பிடாமல் பதிவிட்டிருந்தது அவர் மீண்டும் தேசிய அணிக்குத் திரும்புவதைக் கோடிட்டுக் காட்டுவதாகக் கருதப்படுகிறது.

அடுத்த வாரம் சீனாவில் நடைபெறவுள்ள ஆசிய சாம்பியன்ஷிப் போட்டியிலிருந்து ஜிம்மி - பெய் ஜிங் ஜோடி திடீரென விலகியது இந்தச் சந்தேகத்தை மேலும் வலுப்படுத்தியுள்ளது. நடப்பாண்டில் பங்கேற்ற ஏழு தொடர்களில் இந்த ஜோடி காலிறுதிக்குக் கூட முன்னேற முடியாமல் திணறியதும், ஜிம்மி வோங்கின் இந்த முடிவுக்கு ஒரு காரணமாக இருக்கலாம் எனத் தெரிகிறது.

ஜிம்மி வோங்கின் வருகை குறித்து பி.ஏ.எம் தரப்பிலிருந்து இதுவரை அதிகாரப்பூர்வ அறிவிப்பு ஏதும் வெளியாகவில்லை. இருப்பினும், அவர் மீண்டும் தேசிய அணியில் இணைந்தால், அது மலேசியக் கலப்பு இரட்டையர் பிரிவிற்குப் புதிய பலத்தைச் சேர்க்கும் என எதிர்பார்க்கப்படுகிறது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in விளையாட்டு →