கானா வெற்றி: உலகக் கிண்ண நாக்-அவுட் வாய்ப்பு வலுப்பெற்றது

உலகக் கிண்ணக் கால்பந்து போட்டியின் 'எல்' பிரிவு ஆட்டம் ஒன்றில், பனாமாவுக்கு எதிரான போட்டியில் கானா 1-0 என்ற கோல் கணக்கில் வெற்றி பெற்றுள்ளது. ஆட்டத்தின் கூடுதல் நேரத்தில் 95-வது நிமிடத்தில் கானாவின் 20 வயது இளம் வீரரான காலேப் யிரென்கி இந்த வெற்றிக் கோலை அடித்தார். இதன் மூலம் 2010ஆம் ஆண்டுக்குப் பிறகு முதன்முறையாக உலகக் கிண்ண நாக்-அவுட் சுற்றுக்குத் தகுதி பெறும் கானாவின் வாய்ப்பு வலுபெற்றுள்ளது. போட்டியின் தொடக்கத்திலேயே பனாமா அணி கோல் அடிக்க எடுத்த தீவிர முயற்சியைக் கானாவின் கோல்கீப்பர் லாரன்ஸ் அதி ஜிகி திறம்படத் தடுத்தார்; எனினும், அவர் காயமடைந்ததால் இரண்டாம் பாதியில் பெஞ்சமின் அசாரே அவருக்குப் பதிலாகக் களம் இறக்கப்பட்டார். கானா தனது அடுத்த போட்டியில் இங்கிலாந்தை எதிர்கொள்ளவிருக்கிறது, பனாமா அணி குரோஷியாவை எதிர்கொள்ளவுள்ளது.