Nov 21, 2026
Thisaigal NewsYouTube

பூப்பந்து அகாடமி மோசடி: NSC தலைமை இயக்குநர் பெயர் தவறாகப் பயன்படுத்தப்பட்டதாகப் புகார்!

திசைகள் செய்திப்பிரிவு
Share:
பூப்பந்து அகாடமி மோசடி: NSC தலைமை இயக்குநர் பெயர் தவறாகப் பயன்படுத்தப்பட்டதாகப் புகார்!

தேசிய விளையாட்டு மன்றத்தின் (NSC) தலைமை இயக்குநர் ஜெப்ரி நிகாதிரின், ஒரு பூப்பந்து அகாடமி தொடர்பான திட்டத்திலோ அல்லது செயல்பாட்டிலோ ஈடுபட்டுள்ளதாகக் கூறப்படுவதை NSC வன்மையாக மறுத்துள்ளது.

சம்பந்தப்பட்ட அகாடமி பொதுமக்களிடம் பெரும் தொகையை வசூலிப்பதாகப் புகார்கள் எழுந்துள்ள நிலையில், இந்த மோசடித் திட்டத்தில் ஜெப்ரியின் பெயரும் புகைப்படமும் தவறாகப் பயன்படுத்தப்பட்டுள்ளதாக NSC சுட்டிக்காட்டியுள்ளது. ஜெப்ரிக்கும் அல்லது NSC-க்கும் இந்தத் திட்டத்துடன் எந்தவிதத் தொடர்பும் இல்லை என்பதை அந்த அமைப்பு தெளிவுபடுத்தியுள்ளது.

விளையாட்டு நடவடிக்கைகளுக்காகப் பணம் வசூலிக்க NSC யாரையும் நியமிக்கவோ அல்லது அங்கீகரிக்கவோ இல்லை. இந்த விவகாரத்தைத் தீவிரமாகக் கருதும் NSC, தனது நற்பெயருக்குக் களங்கம் விளைவிக்கும் வகையில் செயல்பட்டவர்கள் மீது சட்ட நடவடிக்கை எடுக்கத் திட்டமிட்டுள்ளது. இது குறித்து ஏற்கனவே போலீஸ் புகார் செய்யப்பட்டுள்ளது. பொதுமக்கள் யாராவது இத்தகைய மோசடிகளால் பாதிக்கப்பட்டிருந்தால், உடனடியாக போலீஸில் புகார் செய்யுமாறு கேட்டுக்கொள்ளப்படுகிறார்கள்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in விளையாட்டு →