Nov 22, 2026
Thisaigal NewsYouTube

சூப்பர் சிக்ஸ் சுற்று முதல் ஆட்டத்தில் ஜிம்பாப்வே-ஓமன் மோதல்

திசைகள் செய்திப்பிரிவு
Share:
சூப்பர் சிக்ஸ் சுற்று முதல் ஆட்டத்தில் ஜிம்பாப்வே-ஓமன் மோதல்

உலகக் கோப்பை கிரிக்கெட் போட்டிக்கான தகுதி சுற்று ஜிம்பாப்வேயில் நடந்து வருகிறது. இதில் பங்கேற்றுள்ள 10 அணிகள் இரு பிரிவாக பிரிக்கப்பட்டு லீக்கில் மோதின. லீக் சுற்று முடிவில் 'ஏ' பிரிவில் இருந்து ஜிம்பாப்வே (8 புள்ளி), நெதர்லாந்து (6 புள்ளி), வெஸ்ட்இண்டீஸ் (4 புள்ளி) அணிகளும், 'பி' பிரிவில் இருந்து இலங்கை (8 புள்ளி), ஸ்காட்லாந்து (6 புள்ளி), ஓமன் (4 புள்ளி) அணிகளும் முறையே முதல் 3 இடங்களை பிடித்து 'சூப்பர் சிக்ஸ்' சுற்றுக்கு முன்னேறின. நேபாளம், அமெரிக்கா (ஏ பிரிவு), அயர்லாந்து, ஐக்கிய அரபு அமீரகம் (பி பிரிவு) அணிகள் முறையே 4-வது, 5-வது இடத்தை பெற்று அடுத்த சுற்று வாய்ப்பை இழந்தன.

இந்த தொடரில் ஒருநாள் ஓய்வுக்கு பிறகு 'சூப்பர் சிக்ஸ்' சுற்று இன்று (வியாழக்கிழமை) தொடங்குகிறது. இதில் ஒவ்வொரு அணியும், தங்களுடைய எதிர்பிரிவில் இருந்து முன்னேறிய அணிகளுடன் தலா ஒரு முறை மோதும். சூப்பர் சிக்ஸ் சுற்று முடிவில் முதல் 2 இடங்களை பிடிக்கும் அணிகள் இறுதிப்போட்டிக்கு முன்னேறுவதுடன், இந்தியாவில் அக்டோபர் 5-ந் தேதி முதல் நவம்பர் 19-ந் தேதி வரை நடைபெறும் 13-வது 50 ஓவர் உலகக் கோப்பை போட்டிக்கு தகுதி பெறும்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in விளையாட்டு →