சீன வெளியுறவு அமைச்சர் வாங் யி, ஈரானிய வெளியுறவு அமைச்சர் அப்பாஸ் அரகச்சியை பெய்ஜிங்கில் சந்தித்துப் பேச்சுவார்த்தை நடத்தினார். அமெரிக்க அதிபர் டொனால்ட் ட்ரம்ப் மே 14 மற்றும் 15 ஆகிய தேதிகளில் பெய்ஜிங்கிற்கு உத்தியோகபூர்வ வருகை தந்து சீன அதிபர் ஷி ஜின்பிங்கைச் சந்திக்கவுள்ள நிலையில், இந்தச் சந்திப்பு மிகுந்த முக்கியத்துவம் பெற்றுள்ளது.
மத்திய கிழக்கு பிராந்தியத்தில், குறிப்பாக ஹார்முஸ் ஜலசந்தியில் அமெரிக்காவிற்கும் ஈரானுக்கும் இடையே பதற்றம் நிலவி வரும் சூழலில் இந்தப் பேச்சுவார்த்தை நடைபெற்றுள்ளது. இப்பகுதியில் அமைதியை நிலைநாட்டவும், வணிகக் கப்பல்களின் பாதுகாப்பை உறுதி செய்யவும் சீனா தொடர்ந்து வலியுறுத்தி வருகிறது. ஈரானுடனான விரிவான ஒப்பந்தம் தொடர்பாக "பெரிய முன்னேற்றம்" ஏற்பட்டுள்ளதாக அதிபர் ட்ரம்ப் சமீபத்தில் குறிப்பிட்டிருந்த நிலையில், ஈரானிய அமைச்சரின் இந்த பெய்ஜிங் பயணம் சர்வதேச அரசியலில் உன்னிப்பாகக் கவனிக்கப்படுகிறது.
சீனா இந்த விவகாரத்தில் ஒரு நடுநிலையான நிலைப்பாட்டை எடுத்திருந்தாலும், ஈரானின் இறையாண்மை மீதான தாக்குதல்களை எதிர்த்துள்ளதுடன், இரு நாடுகளுக்கும் இடையே சமரச முயற்சிகளையும் மேற்கொண்டு வருகிறது.
