சிலாங்கூர் மாநிலத்தைச் சேர்ந்த 52 வயது ஆடவர் ஒருவர், தனது பழைய கார் பதிவு எண்களை பயன்படுத்தி ஸ்போர்ட்ஸ் டோட்டோ மலேசியா நடத்திய டோட்டோ 4டி ஜாக்பாட் 1 -இல் 14.8 மில்லியன் ரிங்கிட்டை வென்றுள்ளார்.
சொத்து மேலாளராக பணியாற்றி வரும் அந்நபர், 9186 மற்றும் 4828 என்ற எண்களில் கடந்த 10 ஆண்டுகளுக்கும் மேலாக தொடர்ந்து பந்தயம் கட்டி வந்ததாக தெரிவித்துள்ளார்.
இந்நிலையில், கடந்த மே 6-ஆம் தேதி அவர் 6 ரிங்கிட் மதிப்பில் சிஸ்டம் 3-ல் பந்தயம் கட்டிய நிலையில், அதே குலுக்கலில் இரண்டு எண்களும் வெற்றி பெற்றதாக கூறப்படுகின்றது.
இந்த எண்கள், தனது பழைய கார்களையும், அதனுடன் கூடிய நினைவுகளையும் நினைவூட்டுவதால், 10 ஆண்டுகளுக்கும் மேலாக தொடர்ந்து பயன்படுத்தி வந்ததாகத் தெரிவித்துள்ளார்.
இந்நிலையில், ஒரே குலுக்கலில் இரண்டு எண்களும் வெற்றி பெறும் என்று தாம் ஒருபோதும் எதிர்பார்க்கவில்லை என்றும் அவர் மகிழ்ச்சியுடன் குறிப்பிட்டுள்ளார்.
