பெரிக்காத்தான் நேஷனல் கூட்டணியின் பதிவை ரத்து செய்தாலும், அக்கூட்டணிக்கு மக்கள் மத்தியில் உள்ள ஆதரவு அலையை எளிதில் அணைத்துவிட முடியாது என்று அதன் தலைவர் அஹ்மாட் சம்சூரி மொக்தார் தெரிவித்துள்ளார்.
மலாக்கா மாநிலத் தேர்தலுக்கு முன்னதாக, கூட்டணியின் பதிவு ரத்து செய்யப்பட்டதன் பின்னணியில் அரசியல் நோக்கம் இருப்பதாகவும், தங்களைக் கண்டு அச்சம் ஏற்பட்டுள்ளதாகவும் அவர் குற்றஞ்சாட்டினார்.
நீதிமன்றத்தில் வழக்கு விசாரணைக்கு வருவதற்கு முந்தைய நாளில் இந்த முடிவு எடுக்கப்பட்டிருப்பது வழக்கத்திற்கு மாறானது என்றும், கூட்டணியின் சின்னத்தைத் தேர்தலில் பயன்படுத்துவது குறித்து தேர்தல் ஆணையமும் விளக்கம் கோரியிருந்ததாகவும் அவர் தெரிவித்தார்.
சங்கப் பதிவுத்துறையான ஆர்ஓஎஸ் (ROS), கூட்டணி அளித்த விளக்கங்கள் பதிவை ரத்து செய்வதற்கான காரணங்களை மறுக்கத் தவறியதாகக் கூறி இன்று அதன் பதிவை ரத்து செய்தது. இதை எதிர்த்து நீதிமன்றத்தில் சவால் விடுக்கப்வ்போவதாகவும், ரத்து உத்தரவைத் தற்காலிகமாக நிறுத்தி வைக்கக் கோரவுள்ளதாகவும் கூட்டணியின் பொதுச் செயலாளர் தக்கியுடின் ஹசான் தெரிவித்துள்ளார்.
