பெரிக்காத்தான் நேஷனல் கூட்டணியின் பதிவு ரத்து செய்யப்பட்டுள்ள நிலையில், எதிர்வரும் மலாக்கா மாநிலத் தேர்தலில் கூட்டணிக் கட்சிகள் பாஸ் கட்சியின் பிறைச் சின்னத்தில் போட்டியிடலாம் என்று கூட்டணியின் தேர்தல் இயக்குநர் சனூசி நோர் தெரிவித்துள்ளார்.
வாக்காளர்களுக்கு ஏற்கெனவே நன்கு அறிமுகமான பாஸ் கட்சியின் பிறைச் சின்னத்தைப் பயன்படுத்துவதில் எந்தப் பிரச்சினையும் இருக்காது என்று அவர் கூறியுள்ளார்.
கூட்டணியின் விளக்கம், பதிவு ரத்துக்கான காரணங்களை நிவர்த்தி செய்யத் தவறியதால் அதன் பதிவை ரத்து செய்ததாகச் சங்கங்களின் பதிவுத்துறை அலுவலகமான ஆர்எஸ்ஓ இன்று அறிவித்தது.
இதற்கிடையே, ஆர்ஓஎஸ்ஸின் இடைநீக்க உத்தரவுக்கு எதிரான நீதிமன்ற நடவடிக்கையைத் தொடங்க பெரிக்காத்தான் நேஷனல் அனுமதி பெற்றுள்ளது. அந்த இடைநீக்க உத்தரவை நிறுத்தி வைப்பதற்கான அதன் மனு வியாழக்கிழமை விசாரணைக்கு வருகிறது.
மலாக்கா தேர்தலில் பாஸ் கட்சி, பாரிசான் நேஷனலின் தராசு சின்னத்தில் போட்டியிடுவது குறித்தும் விவாதிக்கத் தயார் என அம்னோ முன்னதாகத் தெரிவித்திருந்தது. நவம்பர் 14-ஆம் தேதி நடைபெறவுள்ள தேர்தலில் கூட்டணி அமைப்பது தொடர்பாக அம்னோவும் பாஸ் கட்சியும் பேச்சுவார்த்தை நடத்தி வருகின்றன.
