எதிர்வரும் நெகிரி செம்பிலான் மாநிலத் தேர்தலில் பாரிசான் நேஷனல் மற்றும் பெரிக்காத்தான் நேஷனல் கூட்டணிகளுக்கு இடையே கிடைக்கும் வெற்றியே, 16-ஆவது பொதுத்தேர்தலுக்கான புதிய அரசியல் கூட்டணியைத் தீர்மானிக்கும் என டத்தோஸ்ரீ அகமட் ஜாஹிட் ஹமிடி தெரிவித்துள்ளார்.
ஃபெல்டா பாலோங்கில் நடைபெற்ற நிகழ்விற்குப் பிறகு செய்தியாளர்களிடம் பேசிய ஜாஹிட் ஹமிடி, தற்போதைய சூழலில் இரு கூட்டணிகளுக்கும் இடையே அதிகாரப்பூர்வ ஒப்பந்தம் எதுவும் இல்லை என்றும், தொகுதிகளில் மோதல்களைத் தவிர்ப்பதற்கான தற்காலிகப் புரிந்துணர்வு மட்டுமே நிலவுவதாகவும் குறிப்பிட்டார்.
வரும் ஆகஸ்ட் 1-ஆம் தேதி நடைபெறவுள்ள இத்தேர்தலில், பக்காத்தான் ஹராப்பான் 36 தொகுதிகளிலும், பாரிசான் நேஷனல் – பெரிக்காத்தான் நேஷனல் கூட்டணி முறையே 25 மற்றும் 11 தொகுதிகளிலும், பெர்சத்து கட்சி தனித்து 24 தொகுதிகளிலும் போட்டியிடுகின்றன.
