Nov 21, 2026
Thisaigal NewsYouTube

SPRM ஊடக விருது: 'திசைகள்' ஊடகத்திற்கு நற்சான்றிதழ் வழங்கி கௌரவம்

திசைகள் செய்திப்பிரிவு
Share:
SPRM ஊடக விருது: 'திசைகள்' ஊடகத்திற்கு நற்சான்றிதழ் வழங்கி கௌரவம்

மலேசிய ஊழல் தடுப்பு ஆணையமான SPRM நாட்டின் ஊழலை ஒழிப்பதில் ஊடகங்கள் ஆற்றி வரும் அளப்பரிய பங்களிப்பைப் பாராட்டும் வகையில், சிறப்பு ஊடக விருதளிப்பு விழாவை நேற்று கோலாலம்பூரில் நடத்தியது.

SPRM-இன் தலைமை ஆணையர் டான் ஸ்ரீ அசாம் பாக்கி தலைமையில் நடைபெற்ற இந்நிகழ்வில், லஞ்ச ஊழலுக்கு எதிரான விழிப்புணர்வை மக்களிடையே கொண்டு சேர்த்த ஊடகவியலாளர்கள் மற்றும் நிறுவனங்களுக்குப் பணமுடிப்பும், நற்சான்றிதழும் வழங்கிச் சிறப்பு செய்யப்பட்டது.

அந்த வகையில், ஊழல் தடுப்பு நடவடிக்கைகள் குறித்த செய்திகளை உடனுக்குடன் துல்லியமாக வழங்கி வரும் முன்னணி தமிழ் ஊடகங்களில் ஒன்றான 'திசைகள்', இந்நிகழ்வில் கௌரவிக்கப்பட்டது.

நாட்டின் தூய்மையான நிர்வாகத்திற்குத் தனது செய்திகளின் வாயிலாகத் தொடர்ந்து உறுதுணையாக இருந்து வரும் 'திசைகள்' நிறுவனத்தின் தலைமை நிர்வாக அதிகாரி திரு. பசுபதி அவர்களுக்கு, டான் ஸ்ரீ அசாம் பாக்கி பாராட்டுப் பத்திரத்தையும் நற்சான்றிதழையும் வழங்கிச் சிறப்பித்தார்.

லஞ்ச வேர்களைத் துடைத்தெறிவதில் தமிழ் ஊடகங்களின் பங்களிப்பை அங்கீகரிக்கும் விதமாக அமைந்த இந்த விருது, ஊடகத் துறையினரிடையே பெரும் மகிழ்ச்சியை ஏற்படுத்தியுள்ளது.

முன்னதாக, நிகழ்வில் தலைமையேற்று உரையாற்றிய SPRM தலைமை ஆணையர் டான் ஸ்ரீ அசாம் பாக்கி, "மக்களுக்குத் துல்லியமான தகவல்களைக் கொண்டு சேர்ப்பதில் ஊடகவியலாளர்கள் ஆற்றி வரும் அளப்பரிய பங்களிப்பைப் பாராட்டுவதே இந்த விருது வழங்கும் விழாவின் முக்கிய நோக்கமாகும் என்றார்.

இந்த அங்கீகாரம், ஊடக நண்பர்களின் அர்ப்பணிப்புக்குக் கிடைத்த அடையாளமாகும். இது எதிர்காலத்தில் இன்னும் தரமான, நெறிமுறை சார்ந்த மற்றும் சமூகத்தில் தாக்கத்தை ஏற்படுத்தக்கூடிய செய்திகளை உருவாக்க ஒரு ஊக்கியாக அமையும்," எனத் தெரிவித்தார்.

மேலும், SPRM மற்றும் ஊடகங்களுக்கு இடையிலான நெருக்கமான ஒத்துழைப்பின் மூலம், ஆதாரமற்ற ஊகங்களைத் தகர்த்து உண்மைகளின் அடிப்படையிலான தகவல்களைச் சமூகத்திற்குக் கொண்டு செல்ல முடியும் என்றும் டான்ஸ்ரீ அசாம் பாக்கி நம்பிக்கை தெரிவித்தார்.

இந்த விருதளிப்பு விழாவில் அதிகமான ஊடகவியலாளர்கள் கலந்து சிறப்பித்தனர்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in சிறப்பு செய்திகள் →
தேர்தல் பணிகளை வலுப்படுத்த மஇகா இளைஞர் பிரிவில் புதிய திட்டம் - டான் ஸ்ரீ விக்னேஸ்வரன் தகவல்

தேர்தல் பணிகளை வலுப்படுத்த மஇகா இளைஞர் பிரிவில் புதிய திட்டம் - டான் ஸ்ரீ விக்னேஸ்வரன் தகவல்

ஆட்டிசம் மாணவர்களின் திறனை வளர்க்கும் கிள்ளான் ரோட்டரி கிளப்: சுங்கை ஊடாங் தேசியப் பள்ளியில் நவீன வசதிகள்

ஆட்டிசம் மாணவர்களின் திறனை வளர்க்கும் கிள்ளான் ரோட்டரி கிளப்: சுங்கை ஊடாங் தேசியப் பள்ளியில் நவீன வசதிகள்

தீபாவளியை முன்னிட்டு லெ மெரிடியன் புத்ராஜெயாவில் இந்திய உணவு விருந்து

தீபாவளியை முன்னிட்டு லெ மெரிடியன் புத்ராஜெயாவில் இந்திய உணவு விருந்து

சிலாங்கூர், பேராக் மாநிலங்களில் வெள்ளத்தால் பாதிக்கப்பட்டோர் எண்ணிக்கை அதிகரிப்பு

சிலாங்கூர், பேராக் மாநிலங்களில் வெள்ளத்தால் பாதிக்கப்பட்டோர் எண்ணிக்கை அதிகரிப்பு

ஹலால் விதிமுறைகளை மீறுவோருக்கு கடுமையான தண்டனை அவசியம் - பெர்மிம்

ஹலால் விதிமுறைகளை மீறுவோருக்கு கடுமையான தண்டனை அவசியம் - பெர்மிம்

2027 புதிய கல்வித் திட்ட சர்ச்சை: கல்வித் துணை அமைச்சருடன் அவசரச் சிறப்புக் கூட்டத்தில் முக்கிய முடிவு!

2027 புதிய கல்வித் திட்ட சர்ச்சை: கல்வித் துணை அமைச்சருடன் அவசரச் சிறப்புக் கூட்டத்தில் முக்கிய முடிவு!