இந்தோனேசியாவின் ஜகார்த்தா நகருக்கு வெளியே இன்று ஏப்ரல் 28, 2026, காலை இரண்டு ரயில்கள் நேருக்கு நேர் மோதி விபத்துக்குள்ளானதில், குறைந்தது 7 பேர் உயிரிழந்தனர் மற்றும் 81 பேர் காயமடைந்துள்ளனர். ஜகார்த்தாவின் கிழக்கே அமைந்துள்ள பெகாசி திமூர் ரயில் நிலையத்திற்கு அருகே இந்தச் சம்பவம் நிகழ்ந்துள்ளது.
விபத்தில் சிக்கியவர்களை மீட்கும் பணியில் மீட்புப் படையினர் தீவிரமாக ஈடுபட்டு வருகின்றனர். காயமடைந்தவர்கள் அருகில் உள்ள மருத்துவமனைகளில் சிகிச்சைக்காக அனுமதிக்கப்பட்டுள்ளனர்; அவர்களில் சிலரது நிலைமை கவலைக்கிடமாக உள்ளதால் பலி எண்ணிக்கை மேலும் அதிகரிக்கக்கூடும் என அஞ்சப்படுகிறது. விபத்து நடந்த பகுதியில் ரயில் போக்குவரத்து தற்காலிகமாக நிறுத்தப்பட்டுள்ளது. சிக்னல் குறைபாடு அல்லது மனிதத் தவறு காரணமாக இந்த விபத்து நடந்திருக்கலாம் என சந்தேகிக்கப்படும் நிலையில், அதிகாரிகள் விரிவான விசாரணைக்கு உத்தரவிட்டுள்ளனர்.
