ஆற்றில் ஒருவர் மூழ்கித் தத்தளிப்பதாக நினைத்து, அவரைக் காப்பாற்றுவதற்காகக் குட்டி யானை ஒன்று வேகமாக ஓடி வந்த நெகிழ்ச்சியான சம்பவம் ஒன்று நிகழ்ந்துள்ளது. ஆற்றில் ஒருவர் குளித்துக் கொண்டிருந்தபோது, அவர் தண்ணீரில் மூழ்கி ஆபத்தில் இருப்பதாக அங்கிருந்த குட்டி யானை தவறாகப் புரிந்து கொண்டது. உடனே சற்றும் தாமதிக்காமல் அந்த நபர் இருந்த இடத்தை நோக்கி ஆற்று வெள்ளத்தில் அது வேகமாகப் பாய்ந்து ஓடியுள்ளது.
தனது உயிரையும் பொருட்படுத்தாமல் அந்த மனிதரைக் காப்பாற்ற வேண்டும் என்ற நோக்கில் ஓடி வந்த அந்த யானையின் பாசமும், மனிதநேயமிக்க செயலும் பார்ப்போரை நெகிழச் செய்துள்ளது. விலங்குகளுக்கு இருக்கும் இந்த அளப்பரிய அன்பும், உதவி செய்யும் குணமும் தற்போது சமூக வலைத்தளங்களில் வைரலாகிப் பலரது பாராட்டுகளையும் பெற்று வருகிறது.
