சிங்கப்பூரில் வேலை அனுமதிச் சீட்டு விண்ணப்பங்களில் மோசடி செய்ததாக ஐந்து கட்டுமான நிறுவனங்களைச் சேர்ந்த இயக்குநர்கள் மற்றும் ஊழியர்கள் உட்பட 10 பேர் கைது செய்யப்பட்டுள்ளனர். மார்ச் 31 அன்று மனிதவள அமைச்சு மேற்கொண்ட அதிரடி சோதனையில் இவர்கள் பிடிபட்டனர்.
வெளிநாட்டினரை வேலைக்கு அமர்த்துவதற்கான ஒதுக்கீட்டை செயற்கையாக அதிகரிக்க, வேலையில்லாத உள்ளூர்வாசிகளுக்கு போலியாக மத்திய சேமநிதி பங்களிப்பு செலுத்தியது விசாரணையில் தெரியவந்துள்ளது. இது தொடர்பாக மேலும் 41 பேர் விசாரிக்கப்பட்டு வருகின்றனர். இத்தகைய சட்டவிரோதச் செயல்களில் ஈடுபடுபவர்கள் மீது கடும் நடவடிக்கை எடுக்கப்படும் என அமைச்சு எச்சரித்துள்ளது.
