ராணுவத்திற்கான நிதி ஒதுக்கீடு தொடர்பான மோதலில், பிரிட்டன் பாதுகாப்புத் துறை அமைச்சர் ஜான் ஹீலி தனது பதவியை திடீரென ராஜினாமா செய்துள்ளார். தற்போதைய பிரதமர் கீர் ஸ்டார்மரின் பாதுகாப்பு முதலீட்டுத் திட்டம் (DIP) நாட்டைப் பாதுகாப்பற்றதாக மாற்றும் என்று அவர் எச்சரித்துள்ளார்.
உலகளாவிய அச்சுறுத்தல்கள் அதிகரித்து வரும் இந்த ஆபத்தான சூழலில், ராணுவத்திற்குத் தேவையான நிதி ஆதாரங்களை வழங்க பிரதமரும், நிதி அமைச்சகமும் தவறிவிட்டதாக ஜான் ஹீலி தனது ராஜினாமா கடிதத்தில் கடுமையாகக் குற்றம் சாட்டியுள்ளார். நிதிப் பற்றாக்குறை காரணமாக, ஆயுதப் படைகளின் தயார்நிலையைக் குறைக்கும் முடிவுகளை எடுக்கத் தான் கட்டாயப்படுத்தப்படுவதாகவும், இதனால் நாட்டின் பாதுகாப்பு கேள்விக்குறியாகும் என்றும் அவர் குறிப்பிட்டுள்ளார். இந்த விவகாரம் ஆளும் தொழிற்கட்சிக்குள்ளும், பிரதமர் கீர் ஸ்டார்மரின் தலைமைத்துவத்திற்கும் பெரும் அரசியல் நெருக்கடியை ஏற்படுத்தியுள்ளது.
