ஹஜ் புனிதப் பயணத்தின் போது இந்தோனேசியாவைச் சேர்ந்த முதியவர் ஒருவர், தனது மனைவிக்கு மலர்க்கொத்து கொடுத்து ஆச்சரியப்படுத்திய நெகிழ்ச்சியான தருணம் இணையத்தில் பலரின் கவனத்தை ஈர்த்துள்ளது. எளிமையான இஹ்ராம் ஆடை அணிந்திருந்த அந்த முதியவர், பெரும் கூட்ட நெரிசலுக்கு மத்தியிலும் மிகுந்த கவனத்துடன் சென்று தனது மனைவியிடம் அந்த மலர்க்கொத்தை அன்புப் பரிசாக கொடுத்துள்ளார்.
இஸ்லாமியர்களின் மிக முக்கிய ஆன்மீகப் பயணங்களில் ஒன்றான ஹஜ்ஜின் போது, உடல் ரீதியாகப் பல சவால்களை எதிர்கொள்ளும் சூழலிலும், தங்களின் வாழ்க்கைப் பயணத்தில் அன்பும் துணையும் எவ்வளவு முக்கியம் என்பதை உணர்த்தும் வகையில் இந்த நெகிழ்ச்சியான சம்பவம் அமைந்தது. எதிர்பாராமல் கணவரிடமிருந்து பூக்களைப் பெற்றுக் கொண்ட அந்த மனைவியின் முகத்தில் வெளிப்பட்ட ஆச்சரியமும், கணவரின் இந்த அன்பான முயற்சியும் அங்கு குழுமியிருந்த பிற யாத்திரீகர்களை நெகிழச் செய்துள்ளது.
இந்தச் சம்பவம் தொடர்பான வீடியோ இணையத்தில் வைரலாகி வரும் வேளையில், பலர் காதலின் வெளிப்பாடு என்று இவர்களை பாராட்டி வருகின்றனர்.
