நடிகர் விஜய் திரையுலகில் பெற்ற அசாத்தியமான புகழும், அவரது ஆரம்பகால காதல் திரைப்படங்களும் அவர் தமிழக முதலமைச்சராக உயர்ந்த அரசியல் வெற்றிக்கு எவ்வாறு அடித்தளமாக அமைந்தன என்பது குறித்து இந்தியன் எக்ஸ்பிரஸ் இதழ் விரிவான கட்டுரை ஒன்றை வெளியிட்டுள்ளது. 2026 தமிழக சட்டப்பேரவைத் தேர்தலில் மாபெரும் வெற்றி பெற்று முதலமைச்சராகப் பொறுப்பேற்றுள்ள விஜய், திரையுலகில் தனது ஆரம்பக் காலத்தில் 'பக்கத்து வீட்டுப் பையன்' போன்ற தோற்றத்துடனும், அலாதியான துடிப்புடனும், அப்பாவித்தனமான உடல் மொழியுடனும் ரசிகர்களின் இதயங்களைக் கவர்ந்தார்.
அவரது தந்தை எஸ்.ஏ. சந்திரசேகர் இயக்கத்தில் 'நாளைய தீர்ப்பு' 1992 என்ற திரைப்படத்தின் மூலம் கோபக்கார இளைஞனாக அறிமுகமான விஜய், ஆரம்பத்தில் பெரிய தாக்கத்தை ஏற்படுத்தவில்லை என்றாலும், அதன் பின்னர் காதல் திரைப்படங்களைத் தேர்ந்தெடுத்ததன் மூலம் மக்களின் ஏகோபித்த அன்பைப் பெற்றார். ரஜினி, கமல் போன்ற முன்னணி நட்சத்திரங்கள் அப்போது நடுத்தர வயதைக் கடந்திருந்த சூழலில், இளமைத் துடிப்புடன் பூவே உனக்காக, காதலுக்கு மரியாதை, துள்ளாத மனமும் துள்ளும், குஷி போன்ற படங்கள் மூலம் குடும்ப ரசிகர்களையும், இளைஞர்களையும் விஜய் வெகுவாகக் கவர்ந்தார். ஆரம்பகால காதல் நாயகன் இமேஜ், பின்னர் 'இளைய தளபதி' மற்றும் 'தளபதி' என்ற மாபெரும் ஆக்ஷன் ஹீரோ அந்தஸ்தாக மாறி, இறுதியில் மக்களின் அசைக்க முடியாத நம்பிக்கையைப் பெற்று அவரை அரசியல் தலைவராக அரியணையில் ஏற்றியுள்ளது என்று அக்கட்டுரை விவரிக்கிறது.
