கமல்ஹாசன் தயாரிப்பில் ரஜினிகாந்த் நடிப்பில் உருவாகவிருக்கும் படம் ரஜினி 173. பல வருடங்களுக்கு பின் கமல் - ரஜினி இப்படத்திற்காகக் கைகோர்த்துள்ளனர். இப்படத்தை முதலில் இயக்குநர் சுந்தர் சி இயக்குவதாக இருந்தார்.
ஆனால், திடீரென அவர் இப்படத்திலிருந்து வெளியேறியது ரசிகர்களுக்கு அதிர்ச்சியை கொடுத்தது. இதன் பின் யார் இந்த படத்தை இயக்கப் போகிறார் என எதிர்பார்க்கப்பட்ட நிலையில், இயக்குநர் சிபி சக்ரவத்தி இப்படத்தில் கமிட்டானார். இவர் இதற்கு முன் சிவகார்த்திகேயனை வைத்து டான் படத்தை இயக்கியிருந்தார் என்பது குறிப்பிடத்தக்கது.
மேலும் ரஜினியின் 173 படத்திற்கு அனிருத் இசையமைக்கிறார். பிரமாண்டமாக உருவாகவிருக்கும் ரஜினி 173 படத்தின் கதை குறித்து சிறிய தகவல் வெளியாகியுள்ளது.
ஹாலிவுட்டில் வெளிவந்து ரசிகர்களின் கவனத்தை ஈர்த்த The Outfit படத்தின் தழுவலாக இப்படம் உருவாகவுள்ளதாகக் கூறப்படுகிறது. மேலும், இப்படத்தில் ரஜினிகாந்த் டெய்லர் கதாபாத்திரத்தில் நடிக்கப் போவதாக, 70களின் காலக் கட்டத்தில் இப்படத்தின் கதை அமைக்கப்பட்டிருப்பதாகவும் தகவல் தெரிவிக்கின்றனர்.
