நடப்பு 2026-ஆம் ஆண்டில் வெளியான திரைப்படங்களில், 'தி சூப்பர் மரியோ கேலக்ஸி மூவி' பாக்ஸ் ஆபிஸில் பிரம்மாண்ட சாதனைகளை முறியடித்து, உலக அளவில் அதிக வசூல் செய்த படமாக முதலிடத்தைப் பிடித்துள்ளது.
வெளியான இரண்டே வாரங்களில், இப்படம் உலக அளவில் சுமார் 629 மில்லியன் டாலர் சுமார் 5,200 கோடி ரூபாய் வசூலித்துள்ளது. இதன் மூலம் ரையான் கோஸ்லிங் நடித்த 'ப்ராஜெக்ட் ஹெயில் மேரி' படத்தின் வசூலை இது முறியடித்துள்ளது.
யுகே மற்றும் அயர்லாந்து சந்தைகளில் மட்டும் இப்படம் இதுவரை 37.4 மில்லியன் பவுண்டுகளை ஈட்டியுள்ளது. அங்கு 2026-ஆம் ஆண்டில் மிகப்பெரிய தொடக்கத்தைப் பெற்ற படமாகவும் இது பதிவாகியுள்ளது.
ரையான் கோஸ்லிங் நடிப்பில் வெளியான விண்வெளித் திரைப்படமான 'ப்ராஜெக்ட் ஹெயில் மேரி', பாக்ஸ் ஆபிஸில் 500 மில்லியன் டாலர் என்ற மைல்கல்லைக் கடந்து இரண்டாவது இடத்தில் வலுவாக உள்ளது.
யுனிவர்சல் மற்றும் இலுமினேஷன் நிறுவனங்களின் தயாரிப்பில் உருவான இந்த அனிமேஷன் படம், குழந்தைகளையும் குடும்பங்களையும் அதிக அளவில் கவர்ந்துள்ளது. விண்வெளியில் மரியோ, லூயிகி மற்றும் இளவரசி பீச் ஆகியோர் இணைந்து பவுசரையும் (Bowser) அவனது மகனையும் எதிர்கொள்ளும் சாகசக் கதையே இந்த வெற்றியின் ரகசியம் எனத் திரைத்துறையினர் கருதுகின்றனர். வரும் வாரங்களில் இப்படம் 1 பில்லியன் டாலர் வசூலை எட்டும் என எதிர்பார்க்கப்படுகிறது.
