பிரபல கவிஞரும் எழுத்தாளருமான குட்டி ரேவதி இயக்கியுள்ள 'வஞ்சி' (Vanji) என்ற புதிய தமிழ் திரைப்படம், பிரான்சில் நடைபெறும் கான் திரைப்பட விழாவின் சந்தைப் பிரிவில் திரையிடப்பட்டது. ஏழாம் நூற்றாண்டு தமிழ்நாட்டின் பின்னணியில், ஐம்பெருங் காப்பியங்களில் ஒன்றான 'குண்டலகேசி'யின் கதையை மையமாகக் கொண்டு இத்திரைப்படம் உருவாக்கப்பட்டுள்ளது.
அறக்கட்டளைகள் மற்றும் விநியோகஸ்தர்களை ஈர்க்கும் நோக்கில் இத்திரைப்படம் அங்கு திரையிடப்பட்டதாக இயக்குனர் தெரிவித்துள்ளார். இப்படத்தில் ருக்குமணி குமரகுருபரன் மற்றும் ராஜ்மோகன் சுப்பிரமணியன் ஆகியோர் முக்கிய கதாபாத்திரங்களில் நடித்துள்ளனர். கலைமதி தயாரித்துள்ள இத்திரைப்படத்திற்கு டி.ஏ.எஸ். தக்கேயசி இசையமைத்துள்ளார். இந்தியாவில் தணிக்கை செய்யப்பட்டுள்ள இத்திரைப்படம், பூசான் மற்றும் டொராண்டோ போன்ற சர்வதேச திரைப்பட விழாக்களில் திரையிடப்பட்ட பிறகு திரையரங்குகளில் வெளியாகத் திட்டமிடப்பட்டுள்ளது.
