சரியான நோக்கத்துடன் உருவாக்கப்பட்ட ஒரு வட்டார மொழித் திரைப்படம் சிறந்த இயக்கத்திற்கான தேசிய விருதை வென்றதில் மகிழ்ச்சி அடைகிறேன் என்று 'அமரன்' படத்தின் இயக்குநர் ராஜ்குமார் பெரியசாமி தெரிவித்துள்ளார்.
72-வது தேசிய திரைப்பட விருதுகளில் சிறந்த இயக்குநருக்கான விருதை 'அமரன்' படத்துக்காக வென்றது குறித்து அவர் கூறுகையில், இந்த அங்கீகாரம் தனக்கு மிகுந்த மகிழ்ச்சியையும், மேலும் பல புதிய ஜானர்களில் திரைப்படங்களை இயக்க ஊக்கமளிப்பதாகவும் குறிப்பிட்டுள்ளார். மறைந்த மேஜர் முகுந்த் வரதராஜனின் வாழ்க்கையை அடிப்படையாகக் கொண்டு உருவாக்கப்பட்ட இப்படம் மக்களின் நன்மதிப்பைப் பெற்றதுடன், தற்போது தேசிய அளவில் மிகப்பெரிய அங்கீகாரத்தைப் பெற்றுள்ளது குறிப்பிடத்தக்கது.
இசையமைப்பாளர் ஜி.வி. பிரகாஷ் குமார், படத்தொகுப்பாளர் ஆர். கலைவாணன் ஆகியோரும் இப்படம் மூலம் தேசிய விருதுகளை வென்றுள்ளனர்.
