குறும்படங்கள் இயக்கி தமிழ் சினிமாவில் இயக்குநர் அவதாரம் எடுத்தவர் பிரதீப் ரங்கநாதன். கடந்த 2019ம் ஆண்டு ஜெயம் ரவி நடிப்பில் வெளிவந்த கோமாளி படம் மூலம் இயக்குநராக அறிமுகமானார். அப்படம் மிக பெரிய வெற்றி பெற்றது. அப்படத்திற்குப் பின் லவ் டுடே படம் இயக்கியதோடு அதில் நடித்தும் இருந்தார்.
கடைசியாக இவர் நடிப்பில் டிராகன் படம் வெளியானது. அந்தப் படமும் வசூலில் நல்ல வரவேற்பைப் பெற்றது. தற்போது பிரதீப், விக்னேஷ் இயக்கத்தில் லவ் இன்சூரன்ஸ் கம்பெனி படத்தில் நடித்து வருகிறார். மேலும், மைத்ரீ மூவி மேக்கர்ஸ் தயாரிக்கும் 'டியூட்' படத்திலும் நடித்து வருகிறார். இதில், நாயகியாக மமிதா பைஜு நடிக்கிறார். சாய் அபயங்கர் இசையமைக்கும் இந்த படம் குறித்து ஒரு புதிய தகவல் கிடைத்துள்ளது.
அதவது, 'டியூட்' படத்தில் கேமியோ ரோலில் சிவகார்த்திகேயன் நடிக்க இருப்பதாகத் தகவல் வெளியாகி உள்ளது. இது தொடர்பான அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
