தமிழ் திரையுலகின் முன்னணி நடிகையான த்ரிஷா, தூக்கம் குறித்துத் தனது இன்ஸ்டாகிராம் பக்கத்தில் பகிர்ந்துள்ள நகைச்சுவையான பதிவு தற்போது இணையத்தில் வைரலாகி வருகிறது.
அதில், "ஒரு மணி நேரத் தூக்கத்தை இழந்தால், அதிலிருந்து மீண்டு வர 4 நாட்கள் ஆகும் என்று சொல்லப்படுகிறது. அந்த கணக்கின்படி பார்த்தால், நான் இழந்த தூக்கத்தை ஈடுகட்டி மீண்டும் புத்துணர்ச்சியுடன் இருக்க 2062-ஆம் ஆண்டு ஆகிவிடும்" என அவர் வேடிக்கையாகக் குறிப்பிட்டுள்ளார். நடிகை த்ரிஷாவின் இந்த எதார்த்தமான பதிவு அவரது ரசிகர்களிடையே பெரும் வரவேற்பைப் பெற்றுள்ளது. திரையுலகில் இரண்டு தசாப்தங்களாகத் தொடர்ந்து சாதனை படைத்து வரும் த்ரிஷா, அடுத்ததாகச் சூர்யாவுடன் இணைந்து 'கருப்பு' என்ற படத்தில் நடிக்கவுள்ளார் என்பது குறிப்பிடத்தக்கது.
