தென்னிந்திய அளவில் திறமையான நடிகர்களில் ஒருவரான ஃபகத் ஃபாசில் நடிப்பில் கடந்த 2024 ஆம் ஆண்டு வெளி வந்த படம் ஆவேசம். ஜீத்து மாதவன் இயக்கத்தில் உருவான இப்படத்தில் மிதுன் ஜெய், சர்ஜின், ரோஷன், பிரணவ் என பலரும் நடித்திருந்தனர். அட்டகாசமான கதைக்களத்தில் உருவாகி வெளி வந்த இப்படத்திற்கு ரசிகர்கள் அமோக வரவேற்பைப் கொடுத்தனர்.
குறிப்பாக ஃபகத் ஃபாசிலின் ரங்கா கதாபாத்திரம், சர்ஜின் ஏற்று நடித்திருந்த அம்பன் கதாபாத்திரத்தைத் தலைமேல் தூக்கி வைத்துக் கொண்டாடினார்கள். ஆவேசம் முதல் பாகத்தின் வெற்றியைத் தொடர்ந்து ஆவேசம் 2 எப்போது என்கிற கேள்வி தொடர்ந்து ரசிகர்களால் கேட்கப்பட்டு வருகிறது.
இந்த நிலையில், அண்மையில் ஆவேசம் 2 குறித்து நடிகர் ஃபகத் ஃபாசில் பேசியுள்ளார். இதில், "ஆவேசம் 2 எப்போது என நான் எங்கு போனாலும் கேட்கிறார்கள். கண்டிப்பாக அந்தப் படம் உண்டு. 2027 அல்லது 2028ல் தொடங்கி விடுவோம்" என கூறியுள்ளார்.
