நடிகை நயன்தாரா சினிமா மட்டுமின்றி இந்திய அளவில் பிரபலமான ஒருவர். இவர் நடிப்பில் ஆர்.ஜே. பாலாஜி இயக்கத்தில் உருவான மூக்குத்தி அம்மன் திரைப்படம் மாபெரும் அளவில் வெற்றியடைந்ததை நாம் அறிவோம். இப்படம் நேரடியாக ஓடிடி-யில் வெளிவந்தது. ஆனாலும் கூட ரசிகர்கள் இப்படத்தைக் கொண்டாடினார்கள். முதல் பாகத்தின் வெற்றியை தொடர்ந்து மூக்குத்தி அம்மன் 2 படத்தின் அறிவிப்பை கடந்த ஆண்டு வேல்ஸ் நிறுவனம் வெளியிட்டது.
ஆனால், இப்படத்தை ஆர்.ஜே. பாலாஜி இயக்கவில்லை, இயக்குநர் சுந்தர் சி தான் இயக்குகிறார் என அறிவித்திருந்தனர். இப்படத்தின் படப்பிடிப்பு விரைவில் தொடங்கவுள்ளது. இதற்கான முன் தயாரிப்பு பணிகள் தற்போது நடைபெற்று வரும் நிலையில், இப்படத்தில் வில்லனாக நடிக்க அருண் விஜய்யிடம் பேச்சு வார்த்தை நடந்து வருவதாக தகவல் வெளியாகியுள்ளது.
ஆனால், அதிகாரப்பூர்வ அறிவிப்பு இதுவரை வெளிவரவில்லை.
