விக்னேஷ் சிவன் இயக்கத்தில், பிரதீப் ரங்கநாதன் மற்றும் கீர்த்தி ஷெட்டி நடிப்பில் வெளியாகியுள்ள 'லவ் இன்சூரன்ஸ் கொம்பனி' திரைப்படம் வசூலில் தொடர்ந்து முன்னேறி வருகிறது. வெளியான 7 நாட்களில் இத்திரைப்படம் உலகம் முழுவதும் சுமார் 47.12 கோடி ரூபாய் வசூலித்துள்ளதாகத் தகவல்கள் தெரிவிக்கின்றன.
இந்தியாவில் மட்டும் இதுவரை சுமார் 36.52 கோடி ரூபாய் வசூலித்துள்ள இந்தப் படம், வெளிநாடுகளில் 10.60 கோடி ரூபாய் வசூலைப் பெற்றுள்ளது. வார இறுதி நாட்களில் சிறப்பான வசூலைப் பெற்ற நிலையில், வார நாட்களில் வசூல் சற்று குறைந்தாலும், 'அம்பேத்கர் ஜெயந்தி' விடுமுறை படத்தின் வசூலுக்குக் கைகொடுத்தது. குறிப்பாக 5-வது நாளில் மட்டும் இந்தியாவில் 4.15 கோடி ரூபாய் வசூலானது.
எதிர்காலக் காதல் கதையை மையமாகக் கொண்டு உருவாகியுள்ள இத்திரைப்படத்தில் எஸ்.ஜே.சூர்யா, யோகி பாபு ஆகியோர் முக்கியக் கதாபாத்திரங்களில் நடித்துள்ளனர். அனிருத்தின் இசை இளைஞர்களைக் கவர்ந்துள்ள நிலையில், வரும் வார இறுதியில் படத்தின் வசூல் மேலும் அதிகரிக்கும் என எதிர்பார்க்கப்படுகிறது.
