பிரபல ஹாலிவுட் நடிகையும், பாப் பாடகியுமான செலினா கோமஸ் பாடலாசிரியர் பென்னி ப்ளான்கோவைக் காதலித்து வந்தார். இருவருக்கும் கடந்தாண்டு டிசம்பர் மாதம் திருமண நிச்சயதார்த்தம் நடைபெற்ற நிலையில், தற்போது தனது காதலர் பென்னி பிளாங்கோவை செலினா கோமஸ் திருமணம் செய்துள்ளார். செலினா கோமஸின் திருமணப் புகைப்படங்கள் இணையத்தில் வைரலாகியுள்ளது.
சில மாதங்களுக்கு முன்னர் தனது திருமணம் குறித்து பேசிய செலினா கோமஸ், "தனக்கு உடல்நலப் பிரச்னைகள் இருப்பதாகவும், அதனால் தன்னால் குழந்தைப் பெற்றுக் கொள்ள முடியாது. ஆனால் தற்போது வாடகைத் தாய் மற்றும் குழந்தைத் தத்தெடுப்பு போன்றவை இருப்பதால் நான் ஆசீர்வதிக்கப்பட்டதாக உணர்கிறேன்" என்று தெரிவித்திருந்தார்.
33 வயதான செலினா கோமஸ் இன்ஸ்டாகிராமில் 400 மில்லியன் பின் தொடருவோரைக் கொண்ட முதல் பெண் பிரபலம் என்ற பெருமையைப் பெற்றுள்ளார். தற்போது வரை அவரை இன்ஸ்டாகிராமில் 425 மில்லியன் பேர் பின்தொடர்கின்றனர்.
