72-வது தேசிய திரைப்பட விருதுகளில் 'அமரன்' படத்திற்காக சிறந்த பின்னணி இசைக்கான தேசிய விருதை இசையமைப்பாளர் ஜி.வி.பிரகாஷ் குமார் வென்றுள்ளார். அவரது இந்தச் சாதனைக்கு இசையமைப்பாளர் ஏ.ஆர்.ரஹ்மான் தனது சமூக வலைத்தளப் பக்கத்தில் வாழ்த்துத் தெரிவித்துள்ளார்.
தனது மருமகனான ஜி.வி.பிரகாஷின் இந்த மூன்றாவது தேசிய விருது வெற்றி குடும்பத்திற்கு மிகவும் பெருமைக்குரிய தருணம் என்றும், இதன் மூலம் தங்கள் குடும்பம் இணைந்து மொத்தம் 10 தேசிய விருதுகளைக் குவித்து சாதனை படைத்துள்ளதாகவும் ஏ.ஆர்.ரஹ்மான் நெகிழ்ச்சியுடன் குறிப்பிட்டுள்ளார்.
இசையின் மீது ஜி.வி.பிரகாஷ் கொண்டுள்ள ஈடுபாடும் அர்ப்பணிப்பும் பலருக்கு ஊக்கமளிப்பதாகப் பாராட்டியுள்ள ரஹ்மான், அவர் இன்னும் பல சாதனைகளைப் படைக்க வாழ்த்துவதாகத் தெரிவித்தார். ஏ.ஆர்.ரஹ்மானின் இந்த வாழ்த்துச் செய்தி தற்போது திரையுலக வட்டாரத்தில் பெரும் கவனம் பெற்றுள்ளது.
