நடிகர் சூர்யா ஆகக் கடைசியாக ரெட்ரோ திரைப்படத்தில் நடித்து அது வெளிவந்திருந்தது. அவர் அடுத்து ஆர்.ஜே.பாலாஜி இயக்கத்தில் கருப்பு என்ற படத்தில் நடித்துள்ளார்.
தற்போது பரபரப்பாக நடித்து வரும் சூர்யா அவரது அகரம் பவுண்டேஷன் மூலம் பல நல்ல விஷயங்களைச் செய்து வருகிறார்.
இந்நிலையில், சூர்யா அரசியலுக்கு வரப் போவதாகத் தொடர்ந்து செய்திகள் வலம் வர, இதற்கு சூர்யா தலைமை நற்பணி இயக்கம் விளக்கம் கொடுத்துள்ளது.
அதில், " வரவிருக்கும் சட்டமன்ற தேர்தலில் சூர்யா களமிறங்கப் போகிறார் என்று சமூக வலைத்தளங்களில் பொய்யான செய்தி பரப்பப்பட்டு வருகிறது. சினிமா, மற்றும் அகரம் சூர்யாவுக்கு இப்போதைக்கு போதுமான நிறைவைத் தந்துள்ளது" என்று அறிக்கை வெளியிட்டுள்ளனர்.
