நடிகர் அஜித்தின் AK 64 திரைப்படத்தின் படப்பிடிப்பு எப்போது தொடங்கும் என்றுதான் ரசிகர்கள் அனைவரும் ஆவலுடன் காத்துக் கொண்டிருக்கிறார்கள். இயக்குநர் ஆதிக் ரவிச்சந்திரன் இயக்கத்தில் உருவாகும் இப்படத்தில் ஸ்ரீலீலா நடிப்பதாக ஏற்கனவே தகவல் வெளி வந்தது. மேலும், அனிருத் இப்படத்திற்கு இசையமைக்கிறார் என கூறப்பட்டது.
இப்படத்தின் படப்பிடிப்பு பிப்ரவரி மாதம் தொடங்கும் என இயக்குநர் ஆதிக் ரவிச்சந்திரன் கூறியிருந்த நிலையில், அது நடக்கவில்லை. படத்தின் அதிகாரப்பூர்வமான அறிவிப்பும் வெளியாகவில்லை. இது அஜித் ரசிகர்களுக்கு கடும் வருத்தத்தைக் கொடுத்தது.
இந்த நிலையில், 2027ஆம் ஆண்டு வரை அஜித் எந்த திரைப்படத்திலும் நடிக்கப் போவதில்லை என தெரிய வந்துள்ளது. காரணம், 2026 மார்ச் மாதம் முதல் 2027ஆம் ஆண்டு ஜனவரி மாதம் வரை பல்வேறு நாடுகளில் அஜித் குமார் கார் ரேஸில் கலந்து கொள்ளவுள்ளார்.
இதனால் இந்த ஆண்டு AK 64 படத்தின் படப்பிடிப்பு தொடங்க வாய்ப்பில்லை எனத் தெரிகிறது. இதனால் அஜித் ரசிகர்கள் உச்சகட்ட கோபத்தில் உள்ளனர். ஆனால், அஜித்தின் கார் ரேஸிங் ஆவணப்படம் இந்த ஆண்டு வெளிவர அதிக வாய்ப்புள்ளது என்பது குறிப்பிடத்தக்கது.
