பெட்டாலிங் ஜெயா, பிப்ரவரி.11-
ஆஸ்கார் விருது பெற்ற மலேசிய நடிகையான Tan Sri Michelle Yeoh, Hollywood Walk of Fame-இல் சிறந்த நட்சத்திரங்களில் ஒருவராக கௌரவிக்கப்படவுள்ளார்.
Hollywood Walk of Fame-மிற்கு நடிகை Michelle Yeoh-வை வரவேற்பதில் ஹாலிவுட் வர்த்தக சபை பெருமிதம் கொள்வதாக அதன் தயாரிப்பாளர் Ana Martinez வெளியிட்டுள்ள அறிக்கையில் குறிப்பிட்டுள்ளார்.
வரும் பிப்ரவரி 18-ஆம் தேதி, அமெரிக்காவின் கலிபோர்னியா மாநிலத்திலுள்ள, லாஸ் ஏஞ்சலஸ் நகரில் நடைபெறும் இவ்விழாவில், Michelle Yeoh 2,836-வது நட்சத்திர அந்தஸ்தைப் பெற உள்ளார்.
“Motion Pictures” பிரிவில் அவருக்கு இந்த அந்தஸ்தானது வழங்கப்படுகின்றது.
இவ்விழாவில் பிரபல இயக்குநர்கள் Jon M. Chu மற்றும் Ang Lee தொகுப்பாளர்களாக பங்கேற்க உள்ளனர்.
