ஹெச். வினோத் இயக்கத்தில் தளபதி விஜய் நடிப்பில் உருவாகியுள்ள ஜனநாயகன் படம் கடந்த ஜனவரி மாதம் 9ஆம் தேதி வெளியாகி இருக்க வேண்டும். தணிக்கை வாரியம் படத்தின் வெளியீட்டுக்கு மூன்று நாட்களுக்கு முன்பு சான்றிதழ் வழங்க மறுப்பு தெரிவித்து, மறுஆய்வுச் செயற்குழுவிற்கு பரிந்துரை செய்ததால் தயாரிப்பு நிறுவனம் நீதிமன்றத்தை நாடியது.
நீதிமன்றத்தில் உடனடியாக முடிவு வராத காரணத்தினால் தற்போது படக் குழுவினர் வழக்கை மீட்டுக் கொண்டுள்ளனர். மேலும் தற்போது ஜனநாயகன் திரைப்படத்தை மறுஆய்வுச் செயற்குழுவிடம் அனுப்பியுள்ளனர்.
மறுஆய்வு செயற்குழுவுடம் ஜனநாயகன் படம் அனுப்பி வைக்கப்பட்டுள்ள நிலையில், இன்னும் ஒரு வாரத்தில் அப்படத்தின் தணிக்கை சான்றிதழ் விவகாரத்தில் முடிவு கிடைக்கும் என எதிர்பார்க்கப்படுகிறது.
பிப்ரவரி இறுதிக்குள் ஜனநாயகன் படத்தை திரையரங்குக்குக் கொண்டு வர தயாரிப்பு நிறுவனம் முடிவு செய்துள்ளது. தணிக்கை வாரியம் முடிவு எப்படி வரப் போகிறது என்பதைப் பொறுத்திருந்து பார்க்க வேண்டும்.
