நெகிரி செம்பிலான் மந்திரி பெசார் அமினுடின் ஹருனைப் பதவியிறக்க சதி திட்டம் தீட்டப்பட்டதாகக் கூறப்படும் விவகாரம் குறித்து ஜசெக பொதுச்செயலாளர் அந்தோணி லோக் கருத்து தெரிவிக்க மறுத்து விட்டார்.
மாநில சட்டமன்றம் ஏற்கனவே கலைக்கப்பட்டுவிட்டதால், இந்த விவகாரத்தில் வாக்காளர்களே இறுதி முடிவை எடுப்பார்கள் என்று அவர் வலியுறுத்தினார். பெர்சத்து, பாஸ் மற்றும் அம்னோ ஆகிய கட்சிகளுக்கு இடையே நடந்ததாகக் கூறப்படும் இந்த இரகசிய சதித்திட்டம் குறித்து மக்கள் பார்த்துக்கொண்டிருக்கிறார்கள் என்றும், அவர்களே இதற்குச் சரியான தீர்ப்பை வழங்குவார்கள் என்றும் லோக் செய்தியாளர்களிடம் தெரிவித்தார்.
அரசியலில் ஏமாற்றமடையக் கூடாது, எப்போதும் நம்பிக்கையுடன் இருக்க வேண்டும் என்று குறிப்பிட்ட அந்தோணி லோக், பாஸ் மற்றும் பெர்சத்து கட்சிகளுக்கு இடையிலான உறவு முறிவு என்பது அவர்களின் சொந்தப் பிரச்சினை என்றும் கூறினார்.
