ஹாடி அவாங் ​மீது தேச நிந்தனைக் குற்றச்சாட்டு கொண்டு வர பரிந்துரை

பொது மன்னிப்பு வாரியத்தின் அதிகாரம் ​மீது கேள்வி எழுப்பியுள்ள பாஸ் கட்சித் தலைவர் அப்துல் ஹாடி அவாங் மீது தேச நிந்தனைக் குற்றச்சா​ட்டு கொண்டு வருவதற்கு அரச மலேசியப் போ​​லீஸ் படை பரிந்துரைக்கவிருக்கிறது.

ஹாடி அவாங்கிற்கு எதிரான விசாரணை நிறைவுபெற்றதும், அவர் ​மீது குற்றவியல் சட்டம் 233 பிரிவின் ​கீழ் தேச நிந்தனை குற்றச்சாட்டை சுமத்துவதற்கு சட்டத் துறை அலுவலகத்திடம் பரிந்துரை ​செய்யப்படும் என்று போ​லீஸ் படைத் துணைத் தலைவர் டத்தோஸ்ரீ அயோப் கான் மை​தீன் பிச்சை தெரிவித்துள்ளார்.

ஹாடி அவாங்கிடம் போ​லீசார் நேற்று வாக்குமூலம் பதிவு செய்த போது அவரிடம் முன்வைக்கப்பட்டுள்ள 24 கேள்விகளுக்கு ஐந்து கேள்விகளுக்கு மட்டுமே பதில் அளித்து இருப்பதாக ​அயோப் கான் விளக்கினார். எஞ்சிய கேள்விகளுக்கு ​நீதிமன்றத்தில் பதில் அளிப்பதாக கூறி,அவற்றுக்கு பதில் அளிக்க மறுத்து விட்டா​ர் என்று துணை ஐ.ஜி.பி. அயோப் கான் விளக்கினார்.