Nov 21, 2026
Thisaigal NewsYouTube

சாலை விபத்து: பாதிக்கப்பட்டவர்களுக்கு நீதிமன்ற இழப்பீடு!

திசைகள் செய்திப்பிரிவு
Share:
சாலை விபத்து: பாதிக்கப்பட்டவர்களுக்கு நீதிமன்ற இழப்பீடு!

சாலை விபத்துகளில் பாதிக்கப்பட்டவர்களுக்கு நீதிமன்றம் மூலமாக இழப்பீடு பெற்றுத் தரும் புதிய நடைமுறையை அறிமுகப்படுத்த அமைச்சரவை கொள்கையளவில் ஒப்புதல் அளித்துள்ளதாக போக்குவரத்து அமைச்சர் அந்தோணி லோக் தெரிவித்தார். குடிபோதையில் வாகனம் ஓட்டுதல், போதைப்பொருள் உட்கொண்டு வாகனம் ஓட்டுதல் மற்றும் கவனக்குறைவாக அல்லது ஆபத்தான முறையில் வாகனம் ஓட்டுதல் போன்ற குற்றங்களுக்கு இந்த இழப்பீடு பொருந்தும்.

தற்போதுள்ள 1987-ஆம் ஆண்டு சாலை போக்குவரத்து சட்டத்தின் கீழ் விதிக்கப்படும் சிறைத்தண்டனை, அபராதம் ஆகியவற்றுடன் கூடுதலாக இந்த இழப்பீடு விதிக்கப்படும். தற்போதுள்ள நடைமுறையில், பாதிக்கப்பட்டவர்கள் இழப்பீடு பெறத் தனியாகச் சிவில் நீதிமன்றத்தில் வழக்கு தொடர வேண்டியுள்ளது; இது அதிக செலவு மற்றும் நீண்ட காலம் எடுக்கும் செயல்முறையாக இருப்பதால், குற்றவியல் நடவடிக்கைகளின் போதே இழப்பீடு பெற்றுத் தரும் வகையில் சட்டத் திருத்தம் கொண்டு வரப்படுகிறது.

இந்த இழப்பீட்டுத் தொகையை அரசு தீர்மானிக்காது; மாறாக, விபத்தின் தீவிரம், உயிரிழப்பு அல்லது காயம், பாதிக்கப்பட்டவர்களின் இழப்பு மற்றும் குற்றவாளியின் செலுத்தும் திறன் ஆகியவற்றைக் கருத்தில் கொண்டு நீதிமன்றமே இதை முடிவு செய்யும். இந்த மசோதாவை நாடாளுமன்ற சிறப்புக் குழுவின் பரிசீலனைக்கு உட்படுத்தவும் திட்டமிடப்பட்டுள்ளதாக அமைச்சர் அந்தோணி லோக் தெரிவித்தார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →