பெசுட், ஏப்ரல் 23-
தெரெங்கானு, பெசுட், ஜெர்டிஹ்-வில் வேகக் கட்டுப்பாட்டை இழந்து கால்வாயினுள் விழுந்த மோட்டார்சைக்கிளோட்டி நீரில் அடித்துச் செல்லப்பட்டு உயிரிழந்தார்.
நேற்றிரவு மணி 8 வாக்கில் நிகழ்ந்த அச்சம்பவத்தில், உயிழந்தவர் பொருள் அனுப்புநரான 24 வயது வான் முஹம்மது குசாயிமி அபு செபியன் என அடையாளம் கூறப்பட்டுள்ளது.
சம்பவத்தின் போது, அவ்வாடவர் கம்போங் கெராய் துவா-விலுள்ள தமது வீட்டை நோக்கி சென்றுக்கொண்டிருந்த நிலையில், அவர் செலுத்திய யமஹா Ego LC ரக மோட்டார்சைக்கிள் வேகக்கட்டுப்பாட்டை இழந்து சாலையின் வலது புறத்திலுள்ள கால்வாயினுள் பாய்ந்தது.
கால்வாயினுள் நீரோட்டம் அதிகமாக இருந்ததால், விழுந்த பகுதியிலிருந்து சுமார் 1 கிலோமீட்டர் தூரத்திற்கு அவர் நீரில் அடித்து செல்லப்பட்டதாக, பெசுட் மாவட்ட போலீஸ் தலைவர் கண்காணிப்பாளர் அப்துல் ரோசாக் முஹம்மது தெரிவித்தார்.
சம்பவ இடத்திலேயே பாதிக்கப்பட்டவர் உயிரிழந்தது உறுதிசெய்யப்பட்ட வேளை, சடலம் உடற்கூறு ஆய்வுக்காக பெசுட் மருத்துவமனைக்கு அனுப்பட்டதாகவும் அப்துல் ரோசாக் கூறினார்.
