திருமுருகன் ஆலயத்தில் சிறப்பு வழிபாடு நடத்​தப்பட்டது

நெகிரி செம்பிலான் மாநில சட்டமன்றத் தேர்தலில் போட்டியிடும் ஒற்றுமை அரசாங்கத்தி​ன் பக்காத்தான் ஹராப்பான் ​வேட்பாளர்கள் பெரும்பான்மை வாக்குகள் வித்தியாசத்தில் வெற்றி பெற வேண்டும் என்பதற்காக மம்பாவ் ஸ்ரீ முருகன் ஆலயத்தில் சிறப்பு வழிபாடு நடத்தப்பட்டது. டிஏபி சார்பில் பக்காத்தான் ஹராப்பான் வேட்பாளர்களாக போட்டியிடும் மம்பாவ் ​வேட்பாளர் யாப் இயூ வெங் மற்றும் ரெப்பா சட்டமன்றத் தொகுதியில் போட்டியிடும் எஸ். வீர​ப்பன் ஆகியோர் இந்நிகழ்விற்கு சிறப்பு வருகை புரிந்தனர்.ஆலயத் தலைவர் கே. ராமையா, வருகை தந்தவர்களை வரவேற்று மாலை அணிவித்து, பொன்னாடை போர்த்தி சிறப்பு செய்ததோடு, தேர்தலில் வெற்றி பெறுவதற்கு ஆசிர்வதித்தார். இந்த ஆலயத்தின் கும்பாபி​ஷேகத்திற்கு அரசாங்கத்திடமிருந்து மானிம் பெற்று தருவதில் மம்பாவ் சட்டமன்றத் தொகுதியை தற்காத்துக்கொள்ள ​மீண்டும் போட்டியிடும் யாப் இயூ வெங் கும் ரெப்பா தொகுதியை தற்காத்துக்கொள்ள போட்டியிடும் வீரப்பனும் உதவி நல்கியிருப்பதும் நினைவுகூறப்பட்டது. மக்களுக்கும், ஆலய நடவடிக்கைகளுக்கும் தொடர்ந்து உதவிடும் இது போன்ற சட்டமன்ற உறுப்பினர்களை வெற்றி பெறச் செய்ய வே​ண்டிய அவசியமும் வலியுறுத்தப்பட்டது.