பெட்டாலிங் ஜெயா, ஏப்ரல் 18-
பிரதமர் டத்தோ ஸ்ரீ அன்வார் இப்ராஹிம்-மிற்கு ஆதரவளித்துள்ள பெர்சாத்து-வின் 6 நாடாளுமன்ற உறுப்பினர்களின் தொகுதிகளில் இடைத்தேர்தல் நடத்தப்பட்டால், உம்னோ-வின் இரு முன்னாள் தலைவர்களை பேரிக்காதான் நசியனால் வேட்பாளராக களமிறக்கும் சாத்தியம் உள்ளதாக, இல்ஹாம் சென்டர்-ரைச் சேர்ந்த அரசியல் ஆய்வாளர் ஹீசாமுதீன் பாக்கர் தெரிவித்தார்.
1995ஆம் ஆண்டு தொடங்கி 6 தவணைகள், தஞ்சோங் காராங் நாடாளுமன்ற உறுப்பினராக இருந்துவந்த டான் ஸ்ரீ நோ ஓமர், அதே தொகுதியிலும், PAS கட்சியில் இணைந்துள்ள உம்னோ-வின் முன்னாள் பொதுச்செயலாளர் டான் ஸ்ரீ அன்னுார் மூசா, குவா முசாங் அல்லது ஜெலி தொகுதியில் களமிறக்கப்படலாம் என்றாராவர்.
அவ்விரு தலைவர்களும் அரசியலில் அதிக அனுபவங்களையும் தலைமைத்துவத்தையும் கொண்டிருப்பதால், அவர்களை பேரிக்காதான் நசியனால் கூட்டணி வேட்பாளராக்க வாய்ப்புள்ளதாக, ஹீசாமுதீன் கூறினார்.
