மலேசிய இந்திய சமூகத்தின் மேம்பாட்டுக்கான உருமாற்றப் பிரிவான மித்ராவுக்கு 2027ஆம் ஆண்டில் 150 மில்லியன் ரிங்கிட் ஒதுக்கப்படும் என்று பிரதமர் டத்தோ ஸ்ரீ அன்வார் இப்ராஹிம் அறிவித்துள்ளார்.
இன்று நாடாளுமன்றத்தில் 2027 ஆம் ஆண்டுக்கான பட்ஜெட்டை தாக்கல் செய்தி போது நிதி அமைச்சருமான டத்தோ ஸ்ரீ அன்வார் இதனைத் தெரிவித்தார்.
இந்த நிதி, குறிப்பாக இந்திய இளைஞர்களுக்குப் பயிற்சி மற்றும் வேலை வாய்ப்புகளை வழங்குவதில் கவனம் செலுத்தும். தொழில்துறை தானியக்கமயம், தொழில்நுட்பம், விமானப் பராமரிப்பு போன்ற துறைகளில் இளைஞர்களின் திறன்களை மேம்படுத்துவது இதன் நோக்கமாகும்.
2026ஆம் ஆண்டுக்கான பட்ஜெட்டில் மித்ராவுக்கு 100 மில்லியன் ரிங்கிட் ஒதுக்கப்பட்டது. அதைத் தொடர்ந்து, கடந்த மே மாதம் கூடுதலாக 50 மில்லியன் ரிங்கிட் அறிவிக்கப்பட்டது. இந்நிலையில், 2027ஆம் ஆண்டுக்கான ஒதுக்கீடு 150 மில்லியன் ரிங்கிட்டாக நிர்ணயிக்கப்பட்டுள்ளது.
