அலோர் ஸ்டார், ஏப்ரல் 17-
கெடா, மெர்காங், ஜாலான் கங்சா-வில் முதியவர் ஒருவர் மோட்டார் சைக்கிளிலிருந்து கீழே விழுந்து, டிரெய்லரில் நசுங்கி பரிதாபமாக உயிரிழந்தார்.
இன்று காலை 10.04 மணியளவில் தமது தரப்புக்கு கிடைக்க பெற்ற அவசர அழைப்பினை தொடர்ந்து குழு ஒன்று அவ்விடத்திற்கு விரைந்ததாக அலோர் ஸ்டார் தீயணைப்பு, மீட்பு நிலையத்தின் தலைவர் அஹ்மத் நௌபால் அப்துல்லா தெரிவித்தார்.
சம்பவ இடத்தில் ஹோண்டா EX-5 மோட்டார் சைக்கிள் உட்பட டிரெய்லர் ஒன்றோடு ஒன்று மோதி விபத்துக்குள்ளாகி இருந்ததாக அஹ்மத் நௌபால் தகவல் வெளியிட்டார்.
பாதிக்கப்பட்ட 73 வயதுடைய அந்த முதியவரின் தலை மற்றும் உடல் நசுக்கப்பட்ட நிலையில், டிரெய்லரின் முன் டயருக்கு அடியில் கண்டெடுக்கப்பட்டதாக அஹ்மத் நௌபால் கூறினார்.
சவப் பரிசோதனைக்காக பாதிக்கப்பட்டவரின் உடல் சுல்தானா பாஹியா மருத்துவமனைக்கு கொண்டு செல்லப்பட்டதாக அஹ்மத் நௌபால் இன்று விவரித்தார்.
