பினாங்கு மாநிலம், பெர்மாத்தாங் திங்கி பகுதியில் உள்ள முதியோர் பராமரிப்பு இல்லத்தின் கூரை மீது பாரந்தூக்கி கவிழ்ந்து விழுந்ததில், 84 வயது முதியவர் தலையில் காயமடைந்தார்.
இந்தச் சம்பவம் இன்று சனிக்கிழமை பூசாட் ஜாகாஆன் ரூமா செஜாஹ்தெரா பெர்மாத்தாங் திங்கி இல்லத்தில் நிகழ்ந்தது.
சம்பவத்தின் போது அந்த இல்லத்தில் 38 முதியவர்கள் மற்றும் 11 பணியாளர்கள் என மொத்தம் 49 பேர் இருந்ததாகத் தெரிவிக்கப்பட்டுள்ளது.
அந்த பாரந்தூக்கியானது சீரற்ற தரையில் நிறுத்தப்பட்டிருந்த போது, நிலைத்தன்மையை இழந்து கவிழ்ந்திருக்கலாம் என பினாங்கு தீயணைப்பு மற்றும் மீட்புத் துறை தெரிவித்துள்ளது.
இதனையடுத்து, பாரந்தூக்கி முதியவர்கள் தங்கியிருந்த கட்டடத்தின் கூரை மீது விழுந்ததாகக் கூறப்பட்டுள்ளது.
