இஸ்ரேலில் உருவாக்கப்பட்ட வேஸ் (Waze) வழிகாட்டிச் செயலியைப் பயன்படுத்துவதைத் தவிர்க்குமாறு மலேசியர்களுக்கு பிரதமர் டத்தோ ஸ்ரீ அன்வார் இப்ராஹிம் அறிவுறுத்தியுள்ளார்.
பயனர்களின் தனிப்பட்ட தகவல்கள் மற்றும் அவர்கள் பயணிக்கும் இடங்கள் தொடர்பான தரவுகளின் பாதுகாப்பு குறித்து அவர் கவலை தெரிவித்துள்ளார்.
இது தொடர்பாக நேற்று நடைபெற்ற தேசிய இணையப் பாதுகாப்புக் குழுக் கூட்டத்தில், வேஸ் செயலியைப் பயன்படுத்துவதால் ஏற்படக்கூடிய பாதுகாப்பு அபாயங்கள் குறித்து ஆலோசிக்கப்பட்டதாக அன்வார் தமது முகநூல் பதிவில் தெரிவித்துள்ளார்.
இந்தச் செயலி இஸ்ரேல் அரசாங்கத்தின் சட்டங்களுக்கு உட்பட்டது என்றும் அவர் குறிப்பிட்டுள்ளார்.
இந்நிலையில், அதற்குப் பதிலாக, மலேசிய நெடுஞ்சாலை ஆணையமான எல்எெலெம்மால் உருவாக்கப்பட்ட உள்ளூர் வழிகாட்டிச் செயலியான துஜுவைப் (TuJu) பயன்படுத்துவது குறித்து மலேசியர்கள் பரிசீலிக்குமாறும் அவர் கேட்டுக் கொண்டுள்ளார்.
மேலும், மலேசியர்களின் தரவுகள் மற்றும் அடையாளங்களின் பாதுகாப்பில் அரசாங்கம் எந்தவித சமரசமும் செய்து கொள்ள முடியாது என்றும் அன்வார் வலியுறுத்தியுள்ளார்.
