கோலாலம்பூர், செந்தூல் மாவட்ட போலீஸ் தலைமையகத்திற்கு அருகே போதைப்பொருள் கடத்தல் தொடர்பான குற்றச்சாட்டுகளை மறுத்துக் கோயில் தலைவர் ஒருவர் புகார் அளித்துள்ள நிலையில், இந்த விவகாரம் தொடர்பாக முன்னாள் நிருபர் அஸ்ருல் அஃபெண்டி சொப்ரியிடம் போலீசார் வாக்குமூலம் பதிவு செய்யவுள்ளனர்.
செந்தூல் மாவட்ட போலீஸ் தலைவர் அனுவார் பக்ரி அப்துல் சலாம் கூறுகையில், அந்தப் புகார் தொடர்பான விசாரணைக்கு உதவுவதற்காக முன்னாள் நிருபர் உட்பட பல சாட்சிகளிடம் வாக்குமூலம் பெறப்படுவதாகத் தெரிவித்தார்.
இவ்வழக்கு குற்றவியல் சட்டம் மற்றும் 1998-ஆம் ஆண்டு தொடர்பு, பல்லூடகச் சட்டம் ஆகியவற்றின் கீழ் விசாரிக்கப்படுகிறது. இதற்காக அரசுத் தரப்பு துணை வழக்கறிஞரிடமிருந்து விசாரணை அனுமதி பெறப்பட்டுள்ளதாகவும் அவர் கூறினார்.
இரண்டு நிமிடங்கள் 30 விநாடிகள் கொண்ட இந்த விவகாரம் தொடர்பான காணொளி, முன்னதாக டிக் டாக் வழியாகப் பரவியிருந்தது. விசாரணை நடைபெற்று வரும் நிலையில், அதிகாரிகளை அவமதிக்கும் வகையிலான கருத்துகளைப் பொதுமக்கள் வெளியிட வேண்டாம் என அனுவார் பக்ரி அப்துல் சலாம் கேட்டுக் கொண்டுள்ளார்.
