சிலாங்கூர், டெங்கில் பகுதியில் உள்ள பள்ளி ஒன்றில் வகுப்பறையில் மூச்சுத் திணறல் ஏற்பட்ட ஏழு வயது முதலாம் ஆண்டு மாணவர் நேற்று உயிரிழந்தார்.
இச்சம்பவம் குறித்து நேற்று இரவு 7.30 மணியளவில் போலீசாருக்குத் தகவல் கிடைத்ததாக சிப்பாங் மாவட்ட போலீஸ் தலைவர் நோர்ஹிஸாம் பஹாமான் தெரிவித்தார். வகுப்பறையில் இருந்தபோது மாணவருக்கு மூச்சுத் திணறல் ஏற்பட்டதாகவும், சம்பவ இடத்திலேயே அவருக்கு ஆரம்பகட்ட உதவிகள் வழங்கப்பட்டதாகவும் அவர் கூறினார்.
இன்று காலை 8 மணிக்கு புத்ராஜெயா மருத்துவமனையில் பிரேதப் பரிசோதனை நடத்தப்பட்டதாகவும், இச்சம்பவம் திடீர் மரணம் என வகைப்படுத்தப்பட்டுள்ளதாகவும் நோர்ஹிஸாம் தெரிவித்தார். மாணவர் உணவு தொண்டையில் சிக்கியதால் உயிரிழந்ததாக முன்னதாகத் தகவல்கள் பரவிய நிலையில், அதனை உறுதிப்படுத்தும் தகவல் போலீஸ் அறிக்கையில் இடம் பெறவில்லை.
