2023/2024 ஆம் ஆண்டின் பள்ளி இறுதி தவணைக்கால விடுமுறை, இன்று பிப்ரவரி 8 ஆம் தேதி வியாழக்கிழமை தொடங்கியது. தங்களின் கல்வியாண்டை வெற்றிகரமாக நிறைவு செய்த மாணவர்கள், உற்சாகத்துடன் விடைபெற்று வீடு திரும்பினர்.
அதேவேளையில் தங்களின் ஆறு ஆண்டு கல்வியை நிறைவு செய்த 6 ஆம் ஆண்டு மாணவர்கள், அடுத்து, இடைநிலைப் பள்ளிக்கு செல்வதையொட்டி தங்களின் கல்விக் கண்களை திறந்த தொடக்கப்பள்ளிக்கு விடையளித்து, தங்களின் கற்றல், கற்பித்தலுக்கு வழிகாட்டிய ஆசிரியர்களுக்கு நன்றி கூறி, சக மாணவர்களின் வாழ்த்து பரிமாறுதலுடன் மகிழ்ச்சியுடன் விடைபெற்றனர்.
கோவிட் 19 நோய்த் தொற்று தாக்கத்திற்கு பின்னர் பள்ளி நாட்களின் எண்ணிக்கை குறைந்ததைத் தொடர்ந்து கடந்த 2020 ஆம் ஆண்டிலிருந்து பள்ளி நாள்காட்டியான Takwim (தக்வீம் ) அடிப்படையில், / பள்ளி நாட்களின் மொத்த எண்ணிக்கையை ஈடுசெய்வதற்கு மற்றொரு ஆண்டில் பள்ளி நாட்களை பெற வேண்டிய நிர்ப்பந்தம் , கல்வி அமைச்சுக்கு ஏற்பட்டுள்ளது. இதன் காரணமாக, ஒவ்வொரு ஆண்டும் ஜனவரியில் தொடங்க வேண்டிய புதிய கல்வியாண்டு, மார்ச் மாதமும் தொடங்குகிறது.
அதன் அடிப்படையில் கடந்த மார்ச் 19 ஆம் தேதி தொடங்கிய 2023/2024 ஆம் ஆண்டு கல்வியாண்டு இன்று நிறைவுபெற்று, மாணவர்கள் உற்சாகத்துடன் இல்லம் திரும்பினர்.
2024/2025 ஆம் ஆண்டுக்கான புதிய கல்வியாண்டு வரும் மார்ச் 10, 11 ஆகிய தேதிகளில் தேதி தொடங்குகிறது.
